Автор | Сообщение |
|
Отправлено: 01.05.14 15:05. Заголовок: Акафист Святой Живоначальной Троице
Егоже краестрочие: Непостижиме Господи, слава Ти Тропарь акафиста, гл. 5 Боже, Боже, Боже/ Неизреченне, Недоведоме Непостижиме чудесе,/ изволивый в лице Господа Иисуса Христа в дом грешников внити,/ приими нас покланяющихся Тебе/ во Своя пренебесные кровы,/ презирая страсти и прегрешения наша// и домом Пресвятыя Троицы нас соверши. Богородичен Дево Пренепорочная/ ходатаице рода христианского/прими воздыхание нас грешных/ и Сына Твоего умоли о нас// Живоначальную Троицу воспевающих
| |
|
Ответов - 25
, стр:
1
2
All
[только новые]
|
|
|
Отправлено: 01.05.14 15:06. Заголовок: Кондак 1 Невидиме, Н..
Кондак 1 Невидиме, Непостижиме, Неизреченне Господи/ Недоступных высот, недомыслимых глубин устроителю,/ Видимых и невидимых Творче./ По преизбытку любве мiр и веки вся премудростию Твоею сотворил еси./ Отче наш, Царю мира, Утешителю Благий,/ прими жертву хваления нас, недостойных рабов Твоих/ и домом Твоим избери нас,/ да Твоея любве и милости наслаждающеся, во умилении сердечном вопием Ти:// Пресвятая Троице, Боже наш, слава Тебе. Икос 1 Един Сый тремя путниками ангельски шествовати изволил еси в пустыне Хевронстей посещения ради Авраамова. Иже третьему дню знамение завета, обрезание, прият, при входе в скинию седе. Возвед же очи своя, абие лицезре благодать Твою и немощь плоти презрев, тече пригласити Тя: Радуйся, нежданно рабу Твоему явивыйся; радуйся, сквозе пустыню мертвую грядый.
| |
|
|
Отправлено: 01.05.14 15:06. Заголовок: Радуйся, посещением ..
Радуйся, посещением Своим исцеления даруяй; радуйся, погибель градовом грешников несый. Радуйся, благой вести источниче; радуйся, воплю Содомскому внимаяй. Радуйся, пищи тленныя вкусивый ради любве; радуйся, рождение первенца Сарре предрекий. Радуйся, негодование презревый о смехе жены; радуйся, десяти ради праведников грозное отметаяй прещение. Радуйся, прошений за грешников добрый послушателю; радуйся, Аврааму высоту милосердия являй. Радуйся, Пресвятая Троице,// Боже, Спасение и Упование наше. Кондак 2 Патриархам всем глаголати изволил еси в видениях нощных. Исааку, по жертвоприношении в долине Герарстрей и Иакову в вершине лествицы ангельстей. Темже и нас, во след патриархов грядущих, взывати Тебе научи: аллилуйя.
| |
|
|
Отправлено: 01.05.14 15:07. Заголовок: Икос 2 Облаком светл..
Икос 2 Облаком светлым во дни и пламенем ярким нощию народ Свой водительтвовати изволил еси, отроку Твоему Моисееви в пламени купины явившись и всех, сквозе пустыню грядущих, приглашати Тебе научи: Радуйся, облак, осеняяй праведныя; радуйся, огнь, поядаяй неверныя. Радуйся, светлый руководителю ангелов; радуйся, разумный Свете Божества. Радуйся, таинственный Гласе, пастуха великим вождем соделавый; радуйся, верныя ему в покорность приведый. Радуйся, Моисееви явивый имя Твое; радуйся, именем Твоим Египет разрушивый. Радуйся, закон даровавый верным Своим; радуйся, страну обетования абие им показавый. Радуйся, в пустыни рассеявый кости египетских рабов; радуйся, народ Свой в землю новую введый. Радуйся, Пресвятая Троице,// Боже, Спасение и Упование наше.
| |
|
|
Отправлено: 01.05.14 15:08. Заголовок: Кондак 3 Самуилу в с..
Кондак 3 Самуилу в скинии глаголавый нощию, Давидовы победы соверши милосердием Твоим и Соломоново воскурение в храме прият, Отцем перемен благих верным Своим яви Ся. Их же служения и дела рук прияти изволивый, Тебе вопиющих: аллилуйя.
| |
|
|
Отправлено: 01.05.14 15:08. Заголовок: Икос 3 Трикраты возл..
Икос 3 Трикраты возливати воду повеле Илиа на тельца рассеченного и жертвенник о дванадесяти камнях зданый в горе Кармильстей. Единым же пламенем по единей молитве жертву сию попалил еси Господи. И нас не остави, единым сердцем молящихся Тебе: Радуйся, небо над землею заключивый, грех ради живущих на ней; радуйся, грехи царя обличивый пророком Своим. Радуйся, землю от пророков ложных рукою Илииною очистивый; радуйся, чистой земле дождь, яко благословение подаяй. Радуйся, ветр крепок, трус велий и огнь предпосылаяй явлению Своему; радуйся, в дыхании хлада тонка Илии явивыйся. Радуйся, словом пророческим цари переменяй; радуйся, колесницей Израиля пророка возвышаяй. Радуйся, праведникам Своим бессмертие даруяй; радуйся, в конце времен пророки древния введый. Радуйся, словеса и силу Свою смертным подаяй; Радуйся, веру истинную на земли соблюдый. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:09. Заголовок: Кондак 4 Истина от з..
Кондак 4 Истина от земли воссия и правда с небесе приниче, егда Господь наш Иисус Христос земную жизнь Свою средь нас начат. Сего ради каждый день служения Его Богоявлением именовася и среди верных воспет достоин быти: аллилуйя.
| |
|
|
Отправлено: 01.05.14 15:10. Заголовок: Икос 4 Жизнь и Истин..
Икос 4 Жизнь и Истина еси и Путь всем Иерусалима новаго взыскующим, Господи, сего ради пастырей Вифлеемских к пещере Своей привел еси и волхвов на путь истины настави, средь пустынь своих взывающих Ти: Радуйся, Звезда великая, мрак ночи побеждающая; радуйся, Кормчию кораблей, Истины взыскующих. Радуйся, Истина, всякое мудрование упраздняющая; радуйся, источниче жизни и обновление. Радуйся, пастырем благую весть дарующий; радуйся, воев небесных посылаяй простецам. Радуйся, мудрых века сего путешествию подвергаяй; радуйся, паломничества истиннаго Руководителю. Радуйся, Путь, Истина и Жизнь избранных Твоих; радуйся, к Себе Тобой живущих приводяяй. Радуйся, избираяй слышащих Тя; радуйся, к вершине Жизни возводяяй. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:10. Заголовок: Кондак 5 Иордан вост..
Кондак 5 Иордан вострепета, воды вся обративши вспять, егда в крещениях Господних сыновом Своим явитися изволил еси, мiр весь воспевати Тебе научив: аллилуйя.
| |
|
|
Отправлено: 01.05.14 15:11. Заголовок: Икос 5 Между небом и..
Икос 5 Между небом и землею преобразившуся Господу в сиянии Своем возглаголати изволил еси ко избранным апостолам и сон исступления ученик Своих прерва, народы вся призывати Тебе научив: Радуйся, гласе, небеса разводяй; радуйся, Свете пренебесный, сень изгоняяй. Радуйся, яко на Тебе же почивает милость Твоя; радуйся, посылающий Духа и посылаемый Душе Святый. Радуйся, Сыне, приемляй мир от Отца; радуйся, Отче, в жертву Сына приносяй. Радуйся, Царю царей, явивший нам славу Свою; радуйся, Душе Святый, Преображение осеняяй. Радуйся, Творче, смиряяйся до творений Своих; радуйся, Сына твари посвящаяй. Радуйся, нас преобразивый Рождеством; радуйся, приводяяй мiр к славе Своей. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:11. Заголовок: Кондак 6 Един Сый и ..
Кондак 6 Един Сый и Троичен в лицах яви Ся, Боже наш, егда народ, услыша глас сей, Господу воззвавшу к небесем: Отче, прослави имя Твое: и прославих, и паки прославлю. Темже языки вся научил еси пети: аллилуйя.
| |
|
|
Отправлено: 01.05.14 15:12. Заголовок: Икос 6 Грехи мiра ра..
Икос 6 Грехи мiра растерзав и упразднив смерть, на кресте простерлся еси, Господи, предвечного совета словеса, паче же, молчание исполняяй. Земли же трясением и катапетасмы раздранием Отец Небесный скорбь Свою изъяви, Духу Святому телеса усопших святых воскресившу. Темже, небо и землю, живых же и мертвых взывати Тебе научи: Радуйся, народу Своему Ся предаяй; радуйся, острова язык призвавый. Радуйся, в смерти не оставивый нас; радуйся, к жизни вечной вся приводяй. Радуйся, во гробе плотски и во аде явивыйся; радуйся, в раи с разбойником и на престоле бывый, Господи. Радуйся, Отца не разлучивыйся и Духа Святаго, свершающа вся; радуйся, вся исполняяй, неописанный. Радуйся, принесший Жертву и приемый Ю; радуйся, грехи искупивый и простивый я. Радуйся, приносимый смерти и победивый ю; радуйся, Всевышне, высоту небес отверзаяй. Радуйся, Пресвятая Троице// Боже, Спасение и Упование наше.
| |
|
|
|
Отправлено: 01.05.14 15:13. Заголовок: Кондак 7 Общее воскр..
Кондак 7 Общее воскресение прежде Своея страсти утверждая, над веком сим и будущим царствовати изволил еси, яко владеющий жизнью и смертью. Темже, царства вся воспевают Тебе: аллилуйя.
| |
|
|
Отправлено: 01.05.14 15:13. Заголовок: Икос 7 Свят еси и пр..
Икос 7 Свят еси и пресвят, и великолепна слава Твоя. Тако бо возлюбил еси мiр Твой, яко и Сына Своего за ны отдал еси, Духу Сятому устраивающу вся и нас научающу пети сице: Радуйся, именем Своим всякое служение начинати изволивый; радуйся, трисвятую песнь от ангелов и человек приемый. Радуйся, милостивый Боже, грехи наша очищаяй; радуйся, Владыко, беззакония прощаяй. Радуйся, Посетителю Святый, немощи наша исцелеваяй; радуйся, славу от человек приемый. Радуйся, Отче наш, Сый на небесех; радуйся, имя Свое в человецех освящаяй. Радуйся, Царство Свое в мiр сей приводяй; радуйся, волею Своею не оставивый нас. Радуйся, хлебом Твоим насыщаяй люди твоя; радуйся, долги наша оставляющий нам. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:14. Заголовок: Кондак 8 Первый еси ..
Кондак 8 Первый еси и последний для нас. Вечен же в Себе и для безплотных и сердцам нашим буди хозяин и насельник, Тебе вопиющим: аллилуйя.
| |
|
|
Отправлено: 01.05.14 15:15. Заголовок: Икос 8 Осанна в вышн..
Икос 8 Осанна в вышних камение возопити готово бысть, народу умолчавшу. Да умолчат убо и уста наша, камением сердец воспевающим: Радуйся, обитель сотворити в сердцах обещавый рабом Своим; радуйся, даже до душ человеческих снисшедый. Радуйся, дома душ наших помести и убрати устрояй; радуйся, легионы бесов изгоняяй. Радуйся, дом крепкаго сокрушаяй вхождением Своим; радуйся, руками ангелькими диавола во глубине связавый. Радуйся, восхищающий оружия бесов; радуйся, имения их раздавый. Радуйся, живый в неприступнем мраце Своем; радуйся, во оном апостолам исход Свой показавый. Радуйся, яко подножие Себе херувимы положи; радуйся, серафимы снисхождения ради призвавый. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:15. Заголовок: Кондак 9 Дебрь огнен..
Кондак 9 Дебрь огненную и мраз адский упразднил еси, Владыко, весь живот наш и мiр к тому предуставив. И нашу, якоже небесного отечества граждан, приими убо песнь сию: аллилуйя.
| |
|
|
Отправлено: 01.05.14 15:15. Заголовок: Икос 9 Имут ветия мн..
Икос 9 Имут ветия многоразличными словесы воспевати Тя, превосходящего разум. Но мы, убожеством смущеннии, сице вопием Ти: Радуйся, превосходяяй смыслы, Невместиме словесы; радуйся, словесныя превосходяяй нравы. Радуйся, непредсказуемым путь Свой совершивый; радуйся, и нас на путь спасения приведый. Радуйся, милостивый паче милости всей; радуйся, милосердый паче милосердия. Радуйся, закон Вселенней полагаяй; радуйся, превосходяяй закон и благодать. Радуйся, Источниче святыни и любве; радуйся, в святыне недоступный твари. Радуйся, ни единой же твари имя нарекий; радуйся, носителю непостижима имене. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:16. Заголовок: Кондак 10 Свят, Свят..
Кондак 10 Свят, Свят, Свят, Господь Саваоф, исполнь ум наш и сердца славы Твоея. Осанна в вышних и на земли мир человецем поющим: аллилуйя.
| |
|
|
Отправлено: 01.05.14 15:17. Заголовок: Икос 10 Лучше день е..
Икос 10 Лучше день един во странах дому Твоего паче тысящ, Владыко. Яко зде стоящии вси, кроме безбожников злых, воспеваем Ти сице: Радуйся, Свете Тихий Святыя славы; радуйся, Безсмертне Отче Небесный. Радуйся, Святый и Блаженный Иисусе Христе; радуйся, яко достоин Еси пет быти гласы преподобными. Радуйся, Живоначальне Троице, научивый нас оправданием Твоим; радуйся, яко Тебе подобает хвала,Тебе подобает пение и слава. Радуйся, яко с мiром отпущаеши раба Твоего; радуйся, яко граждан Твоих прибежище еси и застава. Радуйся, Господи, яко Бог и явися нам; радуйся, грядый во имя Господне. Радуйся, Всевышне, показавший нам свет; радуйся, в вышних приемляй славу. Радуйся, Пресвятая Троице// Боже, Спасение и Упование наше.
| |
|
|
Отправлено: 01.05.14 15:17. Заголовок: Кондак 11 Ад удивися..
Кондак 11 Ад удивися, ибо упразднися, егда Ты, Владыко, паки Сына Своего обрете, Духу Святому на радость преложившуся, воспевающу: хвалите Бога: аллилуйа.
| |
|
Ответов - 25
, стр:
1
2
All
[только новые]
|
|
|